[這個時勢怎能沒有歌？]－A song from a small potato
曲詞：蹟奇 (Jacky Lǝe)
一起身 已經七點八 冇時間 煮個早餐
又要拿拿林去換衫 準備上班
落到樓下 食個常餐
凍奶茶 出前一丁 加多一隻蛋 盛惠$33
十年黎足足加多十蚊
呢度加啲個度加啲 大財團入侵
我問 老細 點解啲野咁貴
佢話賣得平啲你又會嫌佢點解咁細
冇辦法 其實老細都係卒仔
有一日 連鎖店會將一切 摧毀
具體形容呢個關係 一個奸計
背後操蹤個啲監制 夠晒巴閉 掌管經濟體系
當旺角唔再MK周街都賣CK
冇錢 就會冇say 冇埋先機
過多幾年可能窮人要喱係屋企
怪就怪自己人工同個通漲唔成正比
究竟 養起一個李嘉誠 係需要付出幾多個家明
香港是我家 比超人敗壞所有家聲
人食人 你咪周街搵老襯 你咪繼續伸
繼續搵 到最後 我地依然清貧
窮係原罪 唔想再連累
身邊親朋戚友 逐漸潛水 再窮就冇情趣
我都係人 我都會有情緒
點解 窮人愈變愈窮變成一個社會程序？
有太多無理要求 太多勞氣都要遷就
日做夜做係個碼頭 換黎只係幾個饅頭
Hustle Hustle Hustle Hustle Hustle Hustle
Hustle 到個地步 被人濫用成為黑奴
環境導致點樣掙扎都係冇用
掌管生剎大權傾斜 所以選擇罷工
硬攻呢個扭曲制度 因為潰縮緊既社會bullshit 源源不斷日日新鮮製造
http://www.facebook.com/cklee0102
http://www.facebook.com/ChillingMusic
香港其實有好多好歌，例如上面呢首。
只係，好多都唔係呢個娛樂圈裡面。
Search